ქვეყნის გეოგრაფიული მდებარეობა და გარემო პირობები

დიდი ბრიტანეთი მდებარეობს დასავლეთ ევროპაში, ბრიტანეთის კუნძულებზე. ფართობი 245,000 კვ. კმ-ია, რაც ხმელეთის 0,18%-ს შეადგენს. ამ მხრივ იგი 79-ე ქვეყანაა მსოფლიოში და მე-11 ადგილზეა ევროპაში. ბრიტანეთი მდებარეობს ჩრდილო ატლანტიკურ ოკეანესა და ჩრდილოეთის ზღვას შორის. იგი მოიცავს კუნძულ დიდ ბრიტანეთს და კუნძულ ირლანდიის ჩრდილო-აღმოსავლეთ ნაწილს; ასევე 5000-ზე მეტ პატარა კუნძულს.
ბრიტანეთი საფრანგეთისაგან გამოყოფილია ლა-მანშის სრუტით. ცნობილია ლა-მანშის სრუტის გვირაბი, რომელიც ევროპას აკავშირებს დიდი ბრიტანეთის კუნძულთან, ამ გვირაბის სიგრძე 51 კმ-ია.ბრიტანეთს მხოლოდ ერთი სახმელეთო მეზობელი ჰყავს ირლანდიის სახით.
გაერთიანებული სამეფო შედგება ოთხი ისტორიული პროვინციისაგან: საკუთრივ ინგლისის, უელსის, შოტლანდიისა და ჩრდილოეთ ირლანდიისაგან.
რელიეფი ჩრდილოეთით და დასავლეთით მთიანია, ზოგადად გაერთიანებული სამეფო კი, ხასიათდება მრავალფეროვანი ლანდშაფტით.
კლიმატის ჩამოყალიბებაზე ზეგავლენას ახდენს ატლანტის ოკეანე, დასავლეთი რაიონები განსაკუთრებული ტენიანობით გამოირჩევა.